TIRANË– A e keni parë ndonjëherë me vëmendje gardërobën tuaj dhe të shikoni se cila ngjyrë mbizotëron në veshjet tuaja.
Sot në këtë artikull Radar.al ju informon se ata që merren me psikologjinë e ngjyrave do t’ju thonë se zgjedhjet stilistike të ngjyrave zbulojnë elementë të rëndësishëm të karakterit tuaj.
Gjë që ndoshta as nuk e keni kuptuar. Lexoni se çfarë thotë ngjyra e preferuar e rrobave për personalitetin tuaj.
Blu: Favorizon kreativitetin, optimizmin, qetësinë. I përshtatet njerëzve mendjemprehtë, të pavarur, që shkruajnë rregullat e tyre.
Kafe: Ngjyra e tokës u përshtatet njerëzve që janë të qëndrueshëm, tek të cilët mund të mbështeteni.
Gri: Kjo varet nga nuanca sigurisht, por grija delikate zgjidhet shpesh nga njerëz që duan të kalojnë pa u vënë re, me mungesë besimi.
Ngjyrat metalike: Jo vetëm që u shkojnë të famshmeve, por i shohim edhe në pamjet e përditshme të zyrës, qoftë edhe në një masë të vogël. Ato preferohen nga njerëz dinamikë, të guximshëm që nuk kanë frikë të tërheqin vëmendjen.
E kuqe: Një tjetër zgjedhje e guximshme e ngjyrave, që shpreh sensualitet, pasion, por edhe agresivitet.
Portokallia: Ngjyra e lidhur me ngrohtësinë, entuziazmin, krijimtarinë, u përshtatet njerëzve pozitivë, energjikë që kënaqen duke qenë jeta e festës.
Rozë: Një zgjedhje e pritshme për një femër, e lidhur me feminilitetin dhe romancën. Por kur e shohim të veshur nga një mashkull, kjo tregon që ai guxon të sfidojë stereotipet.
Vjollcë: Ngjyra e preferuar e stilistëve të familjeve mbretërore, por shoqërohet edhe me njerëz që kanë një natyrë artistike, krijuese.
E verdhë: Ngjyra e lumturisë, optimizmit, është streha jonë ideale e ngjyrave kur duam të rrisim produktivitetin, kreativitetin ose të shprehim disponimin tonë të mirë.
E gjelbër: Ngjyra e qetësisë dhe mirësisë tërheq njerëzit karizmatikë, të cilët në të njëjtën kohë janë të interesuar për ndjenjat e të tjerëve.
E bardha: Kanavaca e ngjyrave shpreh ekuilibrin, harmoninë, pastërtinë dhe është një zgjedhje ideale për fillime të reja në jetën tonë./huffpost/Radar.al